نظره على التحرش الجنسي في مصر
بصراحة انا اول مرة اكتب في موضوع كده , و قعدت كتير افكر اكتب ايه ولا اقول ايه , ولقيت ان احسن حل بدل ما اكتب كلام كبير و كتير اعرض وجهة نظري الشخصية جدا ..............
ببساطة انا شايف ان سبب المشكلة دي هي في عقول الناس و في تفكير الناس , و في نظرة الرجل الشرقي للست , و بصراحة هي نظره مخجله و مشينه , وبصراحة حاجه تكسف ان لسه في ناس في الدنيا بتفكر كدة ..............
ناس كتير قوي بتفكر ان ربنا خلق المكرله عشان تكون كائن درجة تانيه , او بمعنى اصح الراجل درجة اولى و الست تحته , و في ناس تانيه بتقول الست دي موجودة عشان تتجوز , و تخدم جوزها , و تخدم عيالها , و النظره الوقح و الاصعب و قول زي ما انت عايز ان في ناس شايفة ان الست مجرد اداة لفض الكبت الجنسي عند اللااجل , و الست قدامه بتبقى رخيصه و تبقى عاملة زي العربية اللي بيغيرها كل شوية , و خليني اقول ان دجي نظرة ما تجيش الا من حد ناقص ..........
المصيبة الاكبر ان الافكار دي بتتزرع في عقول عيالنا من الصغر , يعني مثلا تلاقي الواد يقولولة انت الراجل , انت زي ابوها ( و مش عارف ابوها في الحالة دي لزمته ايه ) , و ياخدوا رايه في قرارات اخته و كده رغم ان كمان ممكن تكون الاخت اكبر , و يا سلام لو المولود بنت بقه دي ممكن تبقى ليلة سوده لكن لو ولد يبقى في افراح وليالي ملاح , كل ده بيخلي نظرة الولد للبنت قليلة من صغرة ............
في رائي الحل ان التربية من البنت تكون , ان البنت زي الولد في المعاملة , و في المكانة , و مفيش اخ كبير على اخت او كدة التنين سواسية , اما الكبار بقة خلونا نتغير بتغيير طريقة تفكيرنا , و ربوا عيالكوا على افكار صح ..........
و عقبال ما نشوف بلدنا ما فيهاش تحرش ...........
by : kiro alex
follow me on twitter : @Kiroalex
ليست هناك تعليقات:
إرسال تعليق